GUY DE MAUPASSANT

പത്തൊൻപതാം നൂറ്റാണ്ടിൽ ജീവിച്ചിരുന്ന ലോകപ്രശസ്തനായ ഒരു ഫ്രഞ്ച് എഴുത്തുകാരനും ആധുനിക ചെറുകഥാ സാഹിത്യത്തിന്റെ പിതാക്കന്മാരിൽ ഒരാളുമാണ്. 1850-ൽ ഫ്രാൻസിലെ നോർമണ്ടിയിൽ ജനിച്ച അദ്ദേഹം, പ്രശസ്ത എഴുത്തുകാരനായ ഗുസ്താവ് ഫ്ലോബേറിന്റെ കീഴിലാണ് സാഹിത്യപാഠങ്ങൾ അഭ്യസിച്ചത്. കേവലം പത്തോളം വർഷത്തെ സജീവ സാഹിത്യജീവിതത്തിനിടയിൽ മുന്നൂറിലധികം ചെറുകഥകളും, ആറ് നോവലുകളും, മൂന്ന് യാത്രാവിവരണങ്ങളും അദ്ദേഹം രചിച്ചു. മനുഷ്യജീവിതത്തിലെ പച്ചയായ യാഥാർത്ഥ്യങ്ങൾ ലളിതമായി ആവിഷ്കരിച്ച അദ്ദേഹത്തിന്റെ രചനകളിൽ ഫ്രാങ്കോ-പ്രഷ്യൻ യുദ്ധാനുഭവങ്ങളുടെ സ്വാധീനവും, വായനക്കാരെ അത്ഭുതപ്പെടുത്തുന്ന തരത്തിലുള്ള ട്വിസ്റ്റുകൾ നിറഞ്ഞ കഥാവസാനങ്ങളും കാണാം. ആഡംബര മോഹത്തിന്റെ ദുരന്തം പറയുന്ന ലോകപ്രശസ്തമായ 'ദി നെക്ലേസ്' (The Necklace), അദ്ദേഹത്തിന്റെ ആദ്യത്തെയും മികച്ചതുമായ മാസ്റ്റർപീസ് കഥയായ 'ബൂൾ ഡി സുയിഫ്' (Boule de Suif), പത്രപ്രവർത്തന രംഗ പശ്ചാത്തലമാക്കിയ 'ബെൽ-അമി' (Bel-Ami) എന്ന നോവൽ, ഹൊറർ വിഭാഗത്തിൽപ്പെട്ട 'ലെ ഹോർള' (Le Horla) എന്നിവ അദ്ദേഹത്തിന്റെ പ്രധാന കൃതികളാണ്. മാനസിക അസുഖങ്ങളെത്തുടർന്ന് 1893-ൽ തന്റെ 42-ാം വയസ്സിൽ അദ്ദേഹം അന്തരിച്ചു. അദ്ദേഹത്തിന്റെ മിക്ക പ്രശസ്ത കൃതികളും മലയാളത്തിലേക്ക് വിവർത്തനം ചെയ്യപ്പെട്ടിട്ടുണ്ട്