PRASANTH PRATHAP

1990 ഫെബ്രുവരി 17-ന് ആലപ്പുഴ ജില്ലയിലെ മങ്കൊമ്പിൽ പ്രതാപൻ കൈപ്പള്ളിലിന്റെയും അജിതകുമാരിയുടെയും മകനായി അദ്ദേഹം ജനിച്ചു. മഹാത്മാഗാന്ധി (MG) യൂണിവേഴ്സിറ്റിയിൽ നിന്ന് കമ്പ്യൂട്ടർ എഞ്ചിനീയറിംഗ് ആൻഡ് നെറ്റ്‌വർക്ക് ടെക്നോളജിയിൽ ബിരുദാനന്തര ബിരുദം (MTech) കരസ്ഥമാക്കിയ അദ്ദേഹം ഒരു എഞ്ചിനീയറിംഗ് ബിരുദധാരി കൂടിയാണ്. എഴുത്തിനോടൊപ്പം തന്നെ സിനിമയോടുള്ള അടങ്ങാത്ത അഭിനിവേശം കാരണം ചലച്ചിത്ര മേഖലയിൽ അസിസ്റ്റന്റ്, അസ്സോസിയേറ്റ് ഡയറക്ടറായും അദ്ദേഹം പ്രവർത്തിക്കുന്നുണ്ട്. സിനിമയോടുള്ള ഈ താല്പര്യമാണ് അദ്ദേഹത്തെ എഴുത്തിന്റെ ലോകത്തേക്ക് എത്തിച്ചത്. ആദ്യ പ്രണയത്തിന്റെ മധുരവും വേദനയും വായനക്കാരുടെ ഹൃദയത്തിലേക്ക് പകർന്നു നൽകിയ 'അമയ' എന്ന നോവലിലൂടെ മലയാള സാഹിത്യ രംഗത്ത് ശ്രദ്ധേയനായ ഒരു യുവ എഴുത്തുകാരനാണ് അദ്ദേഹം